ബിഗ് ടിക്കറ്റ് എടുക്കുമ്പോൾ നമ്പറിൽ ചില നാടൻ കളികൾ പ്രയോ​ഗിക്കാം, നിങ്ങൾക്കും ആകാം കോടീശ്വരൻ

ദുബായ് : അബുദാബി ബിഗ് ടിക്കറ്റ് നറുക്കെടുപ്പിൽ നിരവധി മലയാളികൾ സമ്മാനം സ്വന്തമാക്കിയിട്ടുണ്ട്. പല പ്രവാസികളുടേയും ജീവിതത്തിൽ വലിയ മാറ്റങ്ങൾ ആണ് ഇത് വരുത്തിയിരിക്കുന്നത്. കഴിഞ്ഞ ദിവസം നടന്ന നറുക്കെടുപ്പിലും പ്രവാസി മലയാളിക്കാണ് സമ്മാനം ലഭിച്ചത്. അദ്ദേഹം തന്റെ 20 സുഹൃത്തുക്കളുമായി ചേർന്ന് എടുത്ത ടിക്കറ്റിനാണ് സമ്മാനം ലഭിച്ചത്. പ്രവാസി മലയാളിയായ രാജീവ് അരിക്കാട്ടിന് ആണ് സമ്മാനം ലഭിച്ചത്. 1.5 കോടി ദിര്‍ഹം (33 കോടിയിലേറെ ഇന്ത്യന്‍ രൂപ)യാണ് ലഭിച്ചിരിക്കുന്നത്. ബിഗ് ടിക്കറ്റിന്‍റെ 260-ാമത് സീരീസ് നറുക്കെടുപ്പില്‍ ആണ് രാജീവ് പങ്കെടുത്തത്. 037130 എന്ന ടിക്കറ്റ് നമ്പറിനാണ് സമ്മാനം ലഭിച്ചത്.

ജനുവരി 11ന് ടിക്കറ്റ് വാങ്ങി. 7,13 എന്നീ സംഖ്യകള്‍ വരുന്ന ടിക്കറ്റുകളാണ് അദ്ദേഹം തെരഞ്ഞെടുത്തത്. ബിഗ് ടിക്കറ്റ് സമ്മാനം സ്വന്തമാക്കിയ പലരും നമ്പർ തെരഞ്ഞെടുത്ത രീതികളെ കുറിച്ച് പറഞ്ഞിരുന്നു. മക്കളുടെ ജനന തീയതി അല്ലെങ്കിലും സ്വന്തം ജനന തീയതി ഇങ്ങനെയെക്കെയാണ് സാധാരണ തെരഞ്ഞെടുപ്പ് അവർ നടത്തുന്നത്. കഴി‍ഞ്ഞ ദിവസം ടിക്കറ്റ് സ്വന്തമാക്കിയ രാജീവ് ഇത്തരത്തിലൊരു നാടൻ പ്രയോഗം തന്നെയാണ് നടത്തിയത്.
കുടുംബത്തോടൊപ്പം അല്‍ഐനില്‍ ആണ് രാജീവ് താമസിക്കുന്നത്. രാജീവിന് ആണ് സമ്മാനം ലഭിച്ചതെന്ന് ആദ്യം ആർക്കും വിശ്വസിക്കാൻ സാധിച്ചില്ല. 10 വര്‍ഷത്തിലേറെയായി ഞാന്‍ അല്‍ ഐനില്‍ ആണ് രാജീവ് ജോലി ചെയ്യുന്നത്. കഴിഞ്ഞ മൂന്ന് വര്‍ഷമായി രാജീവ് ടിക്കറ്റ് സ്വന്തമാക്കുന്നുണ്ട്. ഇത്തവണ ഭാര്യയുമായി ഒരു കൂടിയാലോചന നടത്തിയ ശേഷം ആണ് രാജീവ് ടിക്കറ്റ് എടുക്കുന്നത്. മക്കളുടെ ജനന തീയതികളാണിത് ഒരുമിച്ച് വെച്ചത്. രണ്ട് മാസം മുമ്പ് ഇതേ കോമ്പിനേഷനിലുള്ള നമ്പറുകള്‍ വെച്ച് ടിക്കറ്റ് എടുത്തിരുന്നു. എന്നാൽ ചെറിയൊരു വിത്യാസത്തിന് 10 ലക്ഷം ദിര്‍ഹം നഷ്ടമായി. എന്നാൽ ഇത്തവണ രാജീവിന്റെ തലവര തന്നെ മാറ്റി.

ആറ് ടിക്കറ്റുകൾ ആണ് രാജീവ് വാങ്ങിയത്. ആറ് ടിക്കറ്റ് വാങ്ങിയപ്പോൾ ഒരു ടിക്കറ്റ് സൗജ്യമായി ലഭിച്ചു. ആ ടിക്കറ്റിലൂടെയാണ് ഭാഗ്യം തേടിയെത്തിയത്. രണ്ട് ടിക്കറ്റുകള്‍ വാങ്ങിയപ്പോള്‍ ബിഗ് ടിക്കറ്റിന്‍റെ സ്പെഷ്യല്‍ ഓഫര്‍ വഴി നാല് സൗജന്യ ടിക്കറ്റുകള്‍ സൗജന്യമായി ലഭിച്ചു. ഇത്തവണ ആറ് ടിക്കറ്റുകള്‍ ഉള്ളതിനാല്‍ എന്തെങ്കിലും സമ്മാനം ലഭിക്കുമെന്ന് ചെറിയൊരു പ്രതീക്ഷ ഉണ്ടായിരുന്നു എന്ന് രാജീവ് ഖലീജ് ടെെംസിനോട് പറഞ്ഞു.