കുവൈത്തിൽ ഈ സമയങ്ങളിൽ റോഡുകളിൽ ഡെലിവറി ബൈക്കുകൾക്ക് നിരോധനം

കുവൈത്ത് സിറ്റി:കുവൈത്തിൽ വേനൽക്കാലത്ത് ചൂട് 52 ഡിഗ്രിയിൽ എത്തിയതിനാൽ രാവിലെ 11 മുതൽ വൈകിട്ട് 4 വരെ റോഡുകളിൽ ഡെലിവറി ബൈക്കുകൾക്ക് ആഭ്യന്തര മന്ത്രാലയം നിരോധനം ഏർപ്പെടുത്തി. 2024 ജൂൺ 23 മുതൽ 2024 ഓഗസ്റ്റ് 31 വരെയാണ് നിരോധനം. കമ്പനികൾ ഈ നിർദ്ദേശം പാലിക്കണം, ലംഘിക്കുന്നവർക്ക് പിഴ ചുമത്തും. ഈ നിർദ്ദേശത്തിലൂടെമോട്ടോർ സൈക്കിൾ റൈഡർമാരുടെ ആരോഗ്യവും സുരക്ഷയും ഉറപ്പാക്കുകയാണ് ലക്ഷ്യമെന്ന് MoI പറഞ്ഞു.