ചെറിയ പെരുന്നാൾ: ദുബായിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു

ദുബായ് ∙ ചെറിയ പെരുന്നാൾ പ്രമാണിച്ച് ദുബായിലെ എല്ലാ സ്വകാര്യ സ്കൂളുകൾക്കും യൂണിവേഴ്സിറ്റി, നഴ്സറികൾ എന്നിവയ്ക്കും നോളജ് ആൻഡ് ഹ്യൂമൻ ഡെവലപ്മെൻ്റ് അതോറിറ്റി (കെഎച് ഡിഎ) അവധി പ്രഖ്യാപിച്ചു. ഈ മാസം 8 മുതൽ 14 വരെയാണ് അവധി. 15ന് വിദ്യാലയങ്ങൾ വീണ്ടും അധ്യയനമാരംഭിക്കുമെന്നും സമൂഹമാധ്യമത്തിലൂടെയുള്ള അറിയിപ്പിൽ പറഞ്ഞു. എന്നാൽ, യുഎഇയിലെ ഇന്ത്യൻ സ്കൂളുകൾ നേരത്തെ തന്നെ അവധി നൽകിയിരുന്നു. ഒട്ടേറെ മലയാളി കുടുംബങ്ങൾ നാട്ടിലേക്ക് പോകുകയും ചെയ്തു.