ഒമാനിൽ നിന്ന് ഇന്ത്യയിലേക്ക് അധിക ബാഗേജുകൾക്ക് നിരക്കിളവ് പ്രഖ്യാപിച്ച് എയർ ഇന്ത്യ എക്‌സ്പ്രസ്

അധിക ബാഗേജിന് 45 ശതമാനം വരെ നിരക്കിളവ്.

മാർച്ച് 30 വരെ ഈ ഇളവുകൾ ലഭിക്കും.

മസ്കറ്റ്: ഒമാനിൽ നിന്നും ഇന്ത്യയിലേക്കുള്ള യാത്രക്കാർക്ക് അധിക ബാഗേജുകൾക്ക് നിരക്കിളവ് പ്രഖ്യാപിച്ച് എയർ ഇന്ത്യ എക്സ്പ്രസ്. ടിക്കറ്റ് മുൻകൂട്ടി ബുക്ക് ചെയ്യുന്നവർക്കായിരിക്കും ഇതിന്റെ ഗുണം ലഭിക്കുക. അധിക ബാഗേജിന് 45 ശതമാനം വരെയാണ് യാത്രക്കാർക്ക് നിരക്കിളവ് ലഭിച്ചിരിക്കുന്നത്. മാർച്ച് 30 വരെ ഈ ഇളവുകൾ ലഭിക്കും എന്ന് എയർ ഇന്ത്യ എക്‌സ്പ്രസ് എക്സ് പ്ലാറ്റ്‌ഫോമിൽ കുറിച്ചു.

16 റിയാൽ ആണ് അഞ്ച് കിലോ അധിക ബാഗേജിന് ഒമാൻ ഈടാക്കിയിരുന്നത്. എന്നാൽ ഇപ്പോൾ 9 റിയാൽ നൽകിയാൽ മതിയാകും. 10 കിലോ അധിക ബാഗേജ് ആണ് കൊണ്ടുപോകുന്നതെങ്കിൽ 32 റിയാൽ നൽകിയിരുന്നത്. ഇനി അത് 18 റിയാൽ നൽകിയാൽ മതിയാകും. 15 കിലോ അധിക ബാഗേജ് കൊണ്ടുപോകുന്നതിന് 52 റിയാൽ ആണ് നൽകേണ്ടി വന്നിരുന്നത്. അത് ഇനി 30 റിയാൽ നൽകിയാൽ മതിയാകും. ടിക്കറ്റിനൊപ്പം ഉള്ള ബാഗേജ് നിര്ക്കുകളുടെ നിരക്കുകൾ സാധാരണ നിലയിൽ തുടരും.

ഓഫ് സീസൺ ആണ് ഇപ്പോൾ. കുടുംബവുമായി താമസിക്കുന്ന പ്രവാസികൾ യാത്ര ചെയ്യുന്നത്. കുറവാണ്. ഒമാനിൽ നിന്ന് കേരള സെക്ടറുകളിലേക്ക് ഇപ്പോൾ കുറഞ്ഞ നിരക്കാണ് വരുന്നത്. എയർ ഇന്ത്യ എക്‌സ്പ്രസിൽ കുറഞ്ഞ നിരക്കിൽ ഇപ്പോൾ ടിക്കറ്റുകൾ ലഭ്യമാണ്. എന്നാൽ റമദാൻ ആണ് അടുത്ത മാസം മുതൽ തുടങ്ങുന്നത്. അത് കഴിഞ്ഞാൽ പെരുന്നാളും വരുന്നുണ്ട്. നാട്ടിലേക്ക് വരുന്നവരുടെ എണ്ണം കൂടും. അപ്പോൾ ടിക്കറ്റ് നിരക്ക് ഉയരാൻ ആണ് സാധ്യതയെന്ന് ട്രാവൽ മേഖലയിൽ നിന്നുള്ളവർ പറയുന്നു.

പ്രവാസിസംരംഭകര്‍ക്കായി നോർക്ക റൂട്സും കേരളബാങ്കും സംയുക്തമായി സംഘടിപ്പിക്കുന്ന വായ്‌പ്പാ മേളനാളെ (16-02-2024) തിരുവനന്തപുരത്ത് നടക്കും. കിഴക്കേക്കോട്ടയില്‍ ശ്രീപത്മനാഭ സ്വാമിക്ഷേത്രത്തിനു സമീപത്തെ കേരളാബാങ്ക് റീജിയണല്‍ ഓഫീസ് ബില്‍ഡിംഗില്‍ രാവിലെ 10 മുതലാണ് മേള. നാട്ടില്‍ തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്‍ക്കാര്‍ നോര്‍ക്ക റൂട്ട്സ് വഴി നടപ്പിലാക്കുന്ന നോര്‍ക്ക ഡിപ്പാര്‍ട്മെന്റ് പ്രോജക്ട് ഫോര്‍ റിട്ടേണ്‍ഡ് എമിഗ്രന്‍സ് അഥവ എന്‍.ഡി.പി.ആര്‍.ഇ.എം പദ്ധതി പ്രകാരമാണ് മേള. രണ്ട് വർഷത്തിൽ കൂടുതൽ വിദേശത്തു ജോലിചെയ്തു നാട്ടിൽ സ്ഥിരതാമസമാക്കിയ പ്രവാസി കേരളീയർക്ക് പുതിയ സ്വയംതൊഴിൽ സംരംഭങ്ങൾ ആരംഭിക്കുന്നതിനും നിലവിലുള്ളവയുടെ വിപുലീകരണത്തിനും സഹായിക്കുന്നതാണ് എന്‍.ഡി.പി.ആര്‍.ഇ.എം പദ്ധതി.

താല്പര്യമുള്ളവര്‍ക്ക് www.norkaroots.org/ndprem എന്ന വെബ്‌സൈറ്റ് ലിങ്ക് മുഖേന NDPREM പദ്ധതിയിൽ രജിസ്റ്റർ ചെയ്തു പങ്കെടുക്കാവുന്നതാണ്. വേദിയില്‍ സ്പോട്ട് രജിസ്ട്രേഷനും അവസരമുണ്ടാകും. മേളയില്‍ മുൻകൂട്ടി രജിസ്റ്റർ ചെയ്തവര്‍ക്ക് മുന്‍ഗണന ലഭിക്കും. പാസ്സ്‌പോർട്ടിന്റെ കോപ്പിയും,രണ്ട് പാസ്പോർട്ട് സൈസ് ഫോട്ടോയും ,ആധാർ, പാൻകാർഡ്, ഇലക്ഷൻ ഐ.ഡി, റേഷൻ കാർഡ്, പദ്ധതി-വിശദീകരണം, പദ്ധതിക്കാവശ്യമായ മറ്റു രേഖകൾ എന്നിവ സഹിതമാണ് പങ്കെടുക്കേണ്ടത്. സംശയങ്ങൾക്ക് 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) ബന്ധപ്പെടാവുന്നതാണ്.