കുവൈത്തിലേക്ക് ​ഗാർഹിക തൊഴിലാളികളെ അയയ്ക്കുന്നത് നിർത്തണമെന്ന ആവശ്യവുമായി ഈ രാജ്യം

കുവൈത്ത് സിറ്റി; കുവൈത്തിലേക്ക് ഗാർഹിക തൊഴിലാളികളെ അയക്കുന്നത് നിർത്തിവെക്കണമെന്ന domestic worker ആവശ്യവുമായി ഫിലിപ്പീൻസ്. കുവൈത്തിൽ അടുത്തിടെ ഫിലിപ്പീനോ ​ഗാർഹിക തൊഴിലാളി കൊലചെയ്യപ്പെട്ടതിനെ തുടർന്നാണ് ഈ ആവശ്യം ഉയർന്നിരിക്കുന്നത്. 34കാരിയായ യുവതിയെ ബലാത്സം​ഗം ചെയ്ത് കൊലപ്പെടുത്തുകയും അതിന് ശേഷം മൃതദേഹം കത്തിക്കുകയുമായിരുന്നു. ഈ സാഹചര്യത്തിലാണ് കുവൈത്തിലേക്ക് ഇനി തൊഴിലാളികളെ അയയ്ക്കരുതെന്ന ആവശ്യം ഫിലിപ്പീൻ കോണ്ഗ്രസിലെ ( പാർലമെന്റ് )നിരവധി അംഗങ്ങൾ മുന്നോട്ട് വച്ചത്. 2018 ൽ മുൻ പ്രസിഡന്റ് റോഡ്രിഗോ ഡ്യുട്ടെർട്ടെ ഇത്തരത്തിൽ ഒരു തീരുമാനം എടുത്തിരുന്നു. ഈ തീരുമാനം വീണ്ടും എടുക്കണമെന്നാണ് സെനറ്റർ ജിംഗ്വെ എസ്ട്രാഡ ആവശ്യപ്പെട്ടു. അതോടൊപ്പം തന്നെ, കുവൈത്തിൽ ജോലി ചെയ്യുന്ന തൊഴിലാളികളുടെ സംരക്ഷണം ഉറപ്പാക്കുന്നതിനായി നിലവിലുള്ള നയങ്ങൾ അവലോകനം ചെയ്യാൻ കുടിയേറ്റ തൊഴിൽ വകുപ്പും ബന്ധപ്പെട്ട സർക്കാർ ഏജൻസികളും തയാറാകണമെന്നും അദ്ദേഹം കൂട്ടിച്ചേർത്തു.