പ്രവാസി മലയാളി നിര്യാതനായി

ദോഹ : മലപ്പുറം പൊന്മള ആക്കപ്പറമ്പ് സ്വദേശി അബ്ദുറഷീദ് (ഇച്ചാപ്പു-42) ഹൃദയാഘാതത്തെ തുടർന്ന് ഖത്തറിൽ മരിച്ചു. ഖത്തർ കെ.എം.സി.സി കോട്ടക്കൽ മണ്ഡലം വൈസ് പ്രസിഡന്റായിരുന്നു. ഭാര്യ: സുനീറ. നിഷ്‌വ ജിബിൻ, നിഹാല, സിയാദ് എന്നിവർ മക്കളാണ്. കെ.പി കുട്ടിഹസ്സൻ-കുഞ്ഞാമി ദമ്പതികളുടെ മകനാണ്.

ദോഹയിൽ ലിമോസിൻ കമ്പനിയിൽ ജോലി നോക്കുകയായിരുന്നു. നടപടിക്രമങ്ങൾ പൂർത്തിയാക്കിയ ശേഷം മൃതദേഹം വെള്ളിയാഴ്ച രാവിലെ കൊച്ചി വിമാനത്താവളം വഴി നാട്ടി​ലെത്തിക്കുമെന്ന് ഖത്തർ കെ.എം.സി.സി അൽ ഇഹ്‌സാൻ മയ്യിത്ത് പരിപാലന കമ്മിറ്റി അറിയിച്ചു.