മരണം 153: രക്ഷാദൗത്യം ആരംഭിച്ച് സൈന്യം; നാലു സംഘങ്ങളായി തിരിഞ്ഞ് രക്ഷാപ്രവർത്തനം
ദുരന്തത്തിൽ ഇതുവരെ 153 പേരുടെ മരണം സ്ഥിരീകരിച്ചു.
#WATCH | Kerala: Soldiers of the 122 Infantry Battalion of the Territorial Army preparing for the second day of rescue operations move out from their temporary shelter at local school to calamity-hit areas in Meppadi, Wayanad.
— ANI (@ANI) July 31, 2024
Source: PRO Defence Kochi pic.twitter.com/zf13Ejo1gI
മേപ്പാടി∙ വയനാട് ചൂരല്മലയിലും മുണ്ടക്കൈയിലുമുണ്ടായ ഉരുള്പൊട്ടലില് രണ്ടാംദിന രക്ഷാദൗത്യം പുരോഗമിക്കുന്നു. നാലു സംഘങ്ങളായി 153 രക്ഷാപ്രവര്ത്തകര് മുണ്ടക്കൈയിലെത്തി. അത്യാവശ്യമായി കുടിവെള്ളം എത്തിക്കണമെന്ന് രക്ഷാപ്രവര്ത്തകര് ആവശ്യപ്പെട്ടു. കാലാവസ്ഥ അനുകൂലമെങ്കില് വ്യോമസേനയുടെ ഹെലികോപ്റ്റർ എത്തിച്ചും രക്ഷാപ്രവർത്തനം നടത്തും. ദുരന്തത്തിൽ ഇതുവരെ 151 പേരുടെ മരണം സ്ഥിരീകരിച്ചു. 89 പേരെ കണ്ടെത്തിയിട്ടില്ല. 143 മൃതദേഹങ്ങളുെട പോസ്റ്റ്മോര്ട്ടം പൂര്ത്തിയായി. 83 പേരെ തിരിച്ചറിഞ്ഞു. 191 പേരാണ് ചികിത്സയിലുള്ളത്.
നിലമ്പൂരില് 31 മൃതദേഹങ്ങളുടെ പോസ്റ്റുമോര്ട്ടമാണ് പൂര്ത്തിയാക്കിയത്. ചാലിയാര് പുഴയില്നിന്നു മൂന്നു മൃതദേഹങ്ങള് കൂടി കണ്ടെത്തി. പോത്തുകല്ല് അങ്ങാടിക്ക് സമീപം പഴയ തോണിക്കടവിനടുത്താണ് മുതദേഹങ്ങൾ കണ്ടത്. പോത്തുകല്ലില്നിന്ന് ഇതുവരെ 60 മൃതദേഹങ്ങളാണ് കണ്ടെത്തിയത്. ഇവിടെയും ഇന്നു തിരച്ചിൽ നടത്തുന്നുണ്ട്. ഇരുട്ടുകുത്തി ആദിവാസി കോളനി നിവാസികള് സുരക്ഷിതരെന്ന് ജില്ലാ ഭരണകൂടം അറിയിച്ചു.
ഏഴിമല നാവിക അക്കാദമിയിലെ 60 സംഘം രക്ഷാപ്രവർത്തനത്തിന് ചൂരൽമലയിലെത്തി. ലഫ്റ്റനന്റ് കമാൻഡന്റ് ആഷിർവാദിന്റെ നേതൃത്വത്തിലുള്ള സംഘമാണ് എത്തിയത്. 45 നാവികർ, അഞ്ച് ഓഫിസർമാർ, 6 ഫയർ ഗാർഡ്സ് ഒരു ഡോക്ടർ തുടങ്ങിയവരാണ് സംഘത്തിലുള്ളത്.
മുണ്ടക്കൈയിൽ തിരച്ചിൽ പുനരാരംഭിച്ചു. ചൂരൽമലയിൽനിന്ന് മുണ്ടക്കൈയിലേക്ക് ബെയ്ലി പാലം നിർമിക്കാൻ സൈന്യം. ഇതിനുള്ള ഉപകരണങ്ങൾ 11.30ന് കണ്ണൂർ വിമാനത്താവളത്തിൽ എത്തിക്കും. 17 ട്രക്കുകളിലായി പാലം നിർമാണ സാമഗ്രികൾ ദുരന്തഭൂമിയിലേക്കെത്തിക്കും. ണ്ണൂർ പ്രതിരോധ സുരക്ഷാസേന (ഡിഎസ്\സി)യിലെ ക്യാപ്റ്റൻ പുരൻ സിങ് നഥാവത് ആണ് പ്രവർത്തനം ഏകോപിപ്പിക്കുക.
നാല് സംഘങ്ങളായി 150 രക്ഷാപ്രവര്ത്തകര് മുണ്ടക്കൈയിലെത്തി. അത്യാവശ്യമായി കുടിവെള്ളം എത്തിക്കണമെന്ന് രക്ഷാപ്രവര്ത്തകര് ആവശ്യപ്പെട്ടു.
ഗൾഫിലെ പ്രധാന വാർത്തകൾ വാട്സാപ്പിൽ ലഭിക്കുവാൻ താഴെ കൊടുത്ത ലിങ്കിൽ ക്ലിക്ക് ചെയ്ത് പേര് അയക്കുകലിങ്ക് ക്ലിക്ക് ചെയ്യുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.