സൗദി ലുലു ഹൈപർമാർക്കറ്റുകളിൽ ലോക ഭക്ഷ്യമേളക്ക്​ തുടക്കം​​, സെലിബ്രിറ്റി ഷെഫുകളോടൊപ്പം ആഘോഷിക്കാൻ അവസരം

റിയാദ് : ലുലു ഹൈപ്പർമാർക്കറ്റ് ഉപഭോക്താക്കൾ നിറഞ്ഞ മനസോടെ സ്വീകരിച്ച ലോകഭക്ഷ്യമേള (വേൾഡ് ഫുഡ് ഫെസ്​റ്റിവൽ) സൗദി ശാഖകളിൽ വീണ്ടുമെത്തി. പാചകകലാ ലോകത്തെ ഇന്നത്തെ പ്രശസ്​തരിൽനിന്ന്​ നേരിട്ട്​ പാചകവിധികൾ മനസിലാക്കാനും പാചക വിഭവങ്ങളും ചേരുവളും അടുക്കള ഉപകരണങ്ങളും വിസ്​മയകരമായ ഓഫറിൽ സ്വന്തമാക്കാനുമുള്ള അവസരമാണ് ഉപഭോക്താക്കൾക്ക്​ ഇത്തവണ മേളയിൽ​ ഒരുക്കിയിരിക്കുന്നത്​. ജനുവരി 25 മുതൽ ഫെബ്രുവരി ഏഴു വരെ നീണ്ടുനിൽക്കുന്ന മേളയിൽ ഫാസ്​റ്റ്​ ഫുഡ് മുതൽ പലവിധ പ്രഭാത, ഉച്ച, അത്താഴ ഭക്ഷണവിഭവങ്ങൾ തയാറാക്കുന്നതു വരെയുള്ള പാചക സെഷനുകളാണ്​ ഉൾപ്പെടുത്തിയിട്ടുള്ളത്​.

സെലിബ്രിറ്റി ഷെഫുകൾ

ലുലു ഉപഭോക്താക്കൾക്ക്​ പാചകവിധിയുടെ ഏറ്റവും പുതിയ പ്രവണതകൾ വരെ പകർന്നുതരാൻ സോഷ്യൽ മീഡിയയിൽ ലക്ഷക്കണക്കിന്​ ഫോളോവർമാരുള്ള നിരവധി സെലിബ്രിറ്റി ഷെഫുകളാണ്​ എത്തുന്നത്​. പാചകകലയിലെ തങ്ങളുടെ അറിവുകളും പാചകവിധികളും എളുപ്പവഴികളും പങ്കിടാൻ മേളയിൽ സാന്നിദ്ധ്യമറിയിക്കുന്നത്​ സൂപ്പർ ഷെഫുകളായ സൗദി ഷെഫ് ഇസാം അൽഗാംദി, ഫിലിപ്പീനിയൻ ഷെഫ് ജെ.പി. ആംഗ്ലോ, 2015-ലെ മികച്ച ഇന്ത്യൻ ഷെഫ് അവാർഡ് ജേതാവ്​ വിക്കി രത്നാനി എന്നിവരാണ്​.