ഇനി യുഎഇയിൽ താമസ വിസ പുതുക്കാൻ മെഡിക്കൽ ടെസ്റ്റ്‌ വീട്ടിൽ നിന്ന് തന്നെ നടത്താം

യുഎഇ: ദുബായിലെ പ്രവാസികൾക്ക് അവരുടെ വീട്ടിലെ സുഖസൗകര്യങ്ങളിൽ മെഡിക്കൽ ടെസ്റ്റ് നടത്താം. വിഎഫ്എസ് ഗ്ലോബലും എഎംഎച്ച്സും ചേർന്ന് ‘മെഡിക്കൽ എക്സാമിനേഷൻ ഡോർസ്റ്റെപ്പ് സർവീസ്’ ആരംഭിച്ചു. ഈ സംവിധാനത്തിലൂടെ ദുബായിൽ യുഎഇ റസിഡൻസ് വിസയുള്ള പ്രവാസികൾക്ക് നിയുക്ത മെഡിക്കൽ സെൻ്റർ സന്ദർശിക്കാതെ തന്നെ അവരുടെ മെഡിക്കൽ ചെയ്യാൻ സാധിക്കും. വിഎഫ്എസ് ഗ്ലോബൽ വഴി പ്രീമിയം ഓഫറായാണ് മെഡിക്കൽ എക്സാമിനേഷൻ ഡോർസ്റ്റെപ്പ് സേവനം ലഭ്യമാകുക. റെസിഡൻസി വിസ പുതുക്കാൻ ആഗ്രഹിക്കുന്ന കാറ്റഗറി എ വിസ ഉടമകൾക്കും ഈ സേവനം ലഭ്യമാകും. കേന്ദ്രങ്ങളിൽ നൽകുന്ന സ്റ്റാൻഡേർഡ് മെഡിക്കൽ പരിശോധനാ സേവനങ്ങളിലേക്കുള്ള ഓപ്ഷണൽ ആഡ്-ഓൺ ആണ് ഇത്. ഉപഭോക്താക്കൾക്ക് അവരുടെ വീടുകളിൽ നിന്നോ ഓഫീസുകളിൽ നിന്നോ ഒരു ഓൺലൈൻ അല്ലെങ്കിൽ ഓഫ്‌ലൈൻ പ്രക്രിയയിലൂടെ നേരിട്ട് അവരുടെ മെഡിക്കൽ പരിശോധന അപ്പോയിൻ്റ്മെൻ്റുകൾ ബുക്ക് ചെയ്യാം. അതിനായി പാസ്പോർട്ട് കോപ്പി, താമസാനുമതി/വിസ കോപ്പി, വെള്ള പശ്ചാത്തലമുള്ള 1 പാസ്‌പോർട്ട് സൈസ് ഫോട്ടോ (ഫോട്ടോഗ്രാഫിന് 3 മാസത്തിൽ കൂടുതൽ പഴക്കമുണ്ടാകരുത്), എമിറേറ്റ്സ് ഐഡി കോപ്പി എന്നീ രേഖകളാണ് ആവശ്യമായി വരുന്നത്. താഴെ പറയും വിധം മെഡിക്കൽ ടെസ്റ്റ് നടത്താം.