ഒമാനില്‍ ഇന്ത്യന്‍ സമൂഹം സ്വാതന്ത്ര്യദിനം ആഘോഷിച്ചു...
മസ്‌കത്ത് :ഒമാനിലെ ഇന്ത്യന്‍ സമൂഹം 78ാം സ്വാതന്ത്ര്യദിനം വര്‍ണാഭമായി ആഘോഷിച്ചു. മസ്‌കത്തിലെ ഇന്ത്യന്‍ എംബസിയില്‍ രാവിലെ ഏഴ് മണിക്ക് അംബാസഡര്‍ അമിത് നാരംഗ് ദേശീയ പതാക ഉയര്‍ത്തിയതോടെയാണ് ആഘോഷങ്ങള്‍ക്ക് തുടക്കമായത്. രാഷ്ട്രപതി ദ്രൗപതി മുര്‍മുവിന്റെ സ്വാതന്ത്ര്യദിന സന്ദേശം അംബാസഡര്‍ വായിച്ചു.ഇന്ത്യന്‍ സ്‌കൂള്‍ വിദ്യാര്‍ഥികള്‍ ദേശഭക്തി ഗാനം ആലപിച്ചു. ഉന്നത സര്‍ക്കാര്‍ ഉദ്യോഗസ്ഥര്‍, സ്വദേശി പ്രമുഖര്‍, ഇന്ത്യന്‍ സമൂഹത്തില്‍ നിന്നുള്ള പ്രത്യേക അതിഥികള്‍ തുടങ്ങി നൂറ് കണക്കിന് ആളുകള്‍ പങ്കെടുത്തു. മബേല ഇന്ത്യന്‍ സ്‌കൂളില്‍ നടന്ന സ്വാതന്ത്ര്യദിനാഘോഷത്തില്‍ ഇന്ത്യന്‍ അംബാസഡര്‍ പങ്കെടുത്തു. വരും ദിവസങ്ങളില്‍ വ്യത്യസ്ത ആഘോഷ പരിപാടികള്‍ ഇന്ത്യന്‍ പ്രവാസി സമൂഹത്തിന്റെ നേതൃത്വത്തില്‍ അരങ്ങേറും.
ഗൾഫിലെ പ്രധാന വാർത്തകൾ വാട്സാപ്പിൽ ലഭിക്കുവാൻ താഴെ കൊടുത്ത ലിങ്കിൽ ക്ലിക്ക് ചെയ്ത് പേര് അയക്കുകലിങ്ക് ക്ലിക്ക് ചെയ്യുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.
