ഒമാനിൽ ഇന്ത്യൻ സ്കൂളുകൾ തുറക്കുന്നു; മലയാളി കുടുംബങ്ങൾ തിരിച്ചെത്തി തുടങ്ങി
മസ്കത്ത്: വേനൽ അവധിക്കുശേഷം ഒമാനിലെ ഇന്ത്യൻ സ്കൂളുകൾ ഇന്ന് മുതൽ തുറന്നു പ്രവർത്തിക്കും. സീബ് ഇന്ത്യൻ സ്കൂളാണ് ഇന്ന് മുതൽ തുറന്ന് പ്രവർത്തനം ആരംഭിക്കുന്നത്. മസ്കത്ത് ഇന്ത്യൻ സ്കൂൾ തിങ്കളാഴ്ചയും ദാർസൈത്ത് ഇന്ത്യൻ സ്കൂൾ ചൊവ്വാഴ്ചയുമാണ് തുറക്കുക. അൽ ഗൂബ്ര ഇന്ത്യൻ സ്കൂൾ അടുത്ത മാസം നാലിന് തുറക്കും. മറ്റ് ഇന്ത്യൻ സ്കൂളുകളും അടുത്തയാഴ്ചയോടു കൂടി പൂർണമായി പ്രവർത്തിക്കാൻ തുടങ്ങും.വേനൽ അവധി കഴിഞ്ഞ് സ്കൂളുകൾ തുറന്ന് പ്രവർത്തിക്കുമെങ്കിലും ചൂട് കാര്യമായി കുറഞ്ഞിട്ടില്ല. ഇപ്പോൾ ഒമാനിൽ 40 ഡിഗ്രി സെൽഷ്യസിൽ കൂടിയ താപനിലയാണ് അനുഭവപ്പെടുന്നത്. അടുത്ത മാസത്തോടെ ചൂട് കുറയുമെന്നാണ് പ്രതീക്ഷിക്കുന്നത്. എങ്കിലും 36-40 നും ഇടക്കുള്ള താപനിലയാണ് അടുത്ത മാസാദ്യം അനുഭവപ്പെടുക. കനത്ത ചൂട് വിദ്യാർഥികളെ ബാധിക്കാനും സാധ്യതയുണ്ട്.
വേനൽ അവധി കഴിഞ്ഞ് സ്കൂളുകൾ തുറന്ന് പ്രവർത്തിക്കുമെങ്കിലും ചൂട് കാര്യമായി കുറഞ്ഞിട്ടില്ല. ഇപ്പോൾ ഒമാനിൽ 40 ഡിഗ്രി സെൽഷ്യസിൽ കൂടിയ താപനിലയാണ് അനുഭവപ്പെടുന്നത്. അടുത്ത മാസത്തോടെ ചൂട് കുറയുമെന്നാണ് പ്രതീക്ഷിക്കുന്നത്. എങ്കിലും 36-40 നും ഇടക്കുള്ള താപനിലയാണ് അടുത്ത മാസാദ്യം അനുഭവപ്പെടുക. കനത്ത ചൂട് വിദ്യാർഥികളെ ബാധിക്കാനും സാധ്യതയുണ്ട്.സ്വാതന്ത്ര്യ ദിനാഘോഷത്തോടൊപ്പം നടത്തുന്ന സാംസ്കാരിക കലാ പരിപാടികളുടെ പരിശീലനങ്ങളും മറ്റും ഇന്ത്യൻ സ്കൂളുകളിൽ വരും ദിവസങ്ങളിൽ നടക്കും. വേനലവധി അവസാനിക്കാനടുത്തതോടെ നാട്ടിൽ പോയ കുടുംബങ്ങളും തിരിച്ചെത്തിത്തുടങ്ങി. അവധി ആഘോഷിക്കാൻ മറ്റ് രാജ്യങ്ങളിൽ പോയവരും തിരിച്ചെത്തിയിരുന്നു. ഇതോടെ വ്യാപാര സ്ഥാപനങ്ങളിലും നഗരങ്ങളിലും സൂഖുകളിലും തിരക്ക് വർധിക്കാൻ തുടങ്ങി.
ഗൾഫിലെ പ്രധാന വാർത്തകൾ വാട്സാപ്പിൽ ലഭിക്കുവാൻ താഴെ കൊടുത്ത ലിങ്കിൽ ക്ലിക്ക് ചെയ്ത് പേര് അയക്കുകലിങ്ക് ക്ലിക്ക് ചെയ്യുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.