നബിദിനം, ഒ​മാ​ൻ ഒ​രു​ങ്ങി ആഘോഷത്തിൽ

മ​സ്ക​ത്ത് : ന​ബി​ദി​ന​ത്തെ വ​ര​​വേ​ൽ​ക്കാ​ൻ ഒ​മാ​ൻ ഒ​രു​ങ്ങി. ഇ​തി​ന്റെ ഭാ​ഗ​മാ​യി രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ വി​പു​ല​മാ​യ ആ​ഘോ​ഷ പ​രി​പാ​ടി​ക​ളാ​ണ് ന​ട​ക്കു​ന്ന​ത്. ഒ​മാ​ൻ ഔ​ഖാ​ഫ് മ​ത​കാ​ര്യ മ​ന്ത്രാ​ല​യം മു​ഹ​മ്മ​ദ് ന​ബി​യു​ടെ ജീ​വി​ത സ​ന്ദേ​ശ​ങ്ങ​ൾ ജ​ന​ങ്ങ​ളി​ലെ​ത്തി​ക്കു​ന്ന​തി​ന്റെ ഭാ​ഗ​മാ​യി പ്ര​ഭാ​ഷ​ണ പ​രി​പാ​ടി​ക​ളും സം​ഘ​ടി​പ്പി​ക്കു​ന്നു​ണ്ട്. വി​വി​ധ മ​സ്ജി​ദു​ക​ൾ കേ​ന്ദ്രീ​ക​രി​ച്ചും സ​ന്ദേ​ശ പ്ര​ചാ​ര​ണ പ​രി​പാ​ടി​ക​ൾ സം​ഘ​ടി​പ്പി​ക്കു​ന്നു​ണ്ട്. കൂ​ടാ​തെ മ​റ്റ് നി​ര​വ​ധി പ​രി​പാ​ടി​ക​ളും ന​ബി​ദി​ന​ത്തി​ന്റെ ഭാ​ഗ​മാ​യി സം​ഘ​ടി​പ്പി​ക്കും.

ന​ബി​ദി​നം ഏ​റെ ഭം​ഗി​യാ​യി ആ​ഘോ​ഷി​ക്കു​ന്ന​ത് മ​ല​യാ​ളി​ക​ളാ​ണ്. മ​ദ്റ​സ​ക​ൾ കേ​ന്ദ്രീ​ക​രി​ച്ചാ​ണ് പ​രി​പാ​ടി​ക​ൾ ന​ട​ക്കു​ന്ന​ത്. ഒ​മാ​നി​ലെ ഏ​താ​ണ്ടെ​ല്ലാ മ​ദ്റ​സ​ക​ളി​ലും വി​പു​ല​മാ​യ ആ​ഘോ​ഷ പ​രി​പാ​ടി​ക​ളാ​ണ് സം​ഘ​ടി​പ്പി​ക്കു​ന്ന​ത്. കു​ട്ടി​ക​ളു​ടെ വി​വി​ധ ക​ലാ​പ​രി​പാ​ടി​ക​ളാ​ണ് ഇ​തി​ൽ പ്ര​ധാ​ന​പ്പെ​ട്ട​ത്. ദ​ഫ്, കോ​ൽ​ക്ക​ളി, ഗാ​ന​ങ്ങ​ൾ തു​ട​ങ്ങി​യ പ​രി​പാ​ടി​ക​ൾ വി​ദ്യാ​ർ​ഥി​ക​ൾ അ​വ​ത​രി​പ്പി​ക്കു​ന്നു​ണ്ട്. ഇ​തി​ന്റെ പ​രി​ശീ​ല​നം നേ​ര​ത്തെ​ത​ന്നെ ആ​രം​ഭി​ച്ചി​രു​ന്നു. വി​വി​ധ മ​ദ്റ​സ​ക​ളി​ൽ ന​ട​ക്കു​ന്ന പ​രി​പാ​ടി​ക​ളി​ൽ ര​ക്ഷി​താ​ക്ക​ളും സ​ജീ​വ​മാ​യി പ​ങ്കെ​ടു​ക്കും. ഇ​വ​ർ​ക്കാ​യി പൊ​തു​സ​മ്മേ​ള​ന​ങ്ങ​ളും ന​ട​ത്തു​ന്നു​ണ്ട്. ന​ബി​ദി​ന​മാ​യ വ്യാ​ഴാ​ഴ്ച രാ​വി​ലെ മ​ദ്റ​സ​ക​ളി​ലും വീ​ടു​ക​ളി​ലും ഫ്ലാ​റ്റു​ക​ളി​ലും മൗ​ലീ​ദ് പാ​രാ​യ​ണ​വും ന​ട​ക്കും.

ന​ബി​ദി​ന​ത്തോ​ട​നു​ബ​ന്ധി​ച്ച് ഏ​റ്റ​വും വി​പു​ല​മാ​യ പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​ത് മ​സ്ക​ത്ത് സു​ന്നി സെ​ന്റ​റാ​ണ്. ‘തി​രു​ന​ബി: സ്നേ​ഹം, സ​മ​ത്വം, സ​ഹി​ഷ്ണു​ത’ ത​ല​ക്കെ​ട്ടി​ൽ ഈ ​വ​ർ​ഷം കാ​മ്പ​യി​ൻ ന​ട​ക്കു​ന്നു​ണ്ട്.

കാ​മ്പ​യി​നി​ന്റെ ഉ​ദ്ഘാ​ട​നം ക​ഴി​ഞ്ഞ ദി​വ​സം ന​ട​ന്ന ച​ട​ങ്ങി​ൽ മ​സ്ക​ത്ത് റേ​ഞ്ച് ജം​ഇ​യ്യ​തു​ൽ മു​അ​ല്ലി​മീ​ൻ ചെ​യ​ർ​മാ​ൻ യൂ​സു​ഫ് മൗ​ല​വി​യാ​ണ് നി​ർ​വ​ഹി​ച്ച​ത്. മു​ഹ​മ്മ​ദ​ലി ഫൈ​സി വി​ഷ​യം അ​വ​ത​രി​പ്പി​ച്ചു. കാ​മ്പ​യി​നി​ന്‍റെ ഭാ​ഗ​മാ​യി കു​ടും​ബ​സം​ഗ​മം അ​ട​ക്ക​മു​ള്ള പ​രി​പാ​ടി​ക​ൾ ന​ട​ന്നി​രു​ന്നു. വാ​ദീ ക​ബീ​ർ, മ​ത്ര കോ​ർ​ണീ​ഷ്, വാ​ദീ അ​ദൈ എ​ന്നി​വി​ട​ങ്ങ​ളി​ൽ പൊ​തു പ്ര​ഭാ​ഷ​ണ​ങ്ങ​ളും സം​ഘ​ടി​പ്പി​ക്കു​ന്നു​ണ്ട്. കാ​മ്പ​യി​നി​ന്‍റെ ഭാ​ഗ​മാ​യി റൂ​വി അ​ൽ ഫ​ലാ​ജ് ഗ്രാ​ൻ​ഡ് ഹാ​ളി​ൽ വെ​ള്ളി​യാ​ഴ്ച പൊ​തു​പ​രി​പാ​ടി ന​ട​ക്കും.

വൈ​കീ​ട്ട് മൂ​ന്ന് മു​ത​ലാ​ണ്​ കു​ട്ടി​ക​ളു​ടെ ക​ലാ​പ​രി​പാ​ടി​ക​ൾ. സു​ന്നി സെ​ന്റ​ർ മ​ദ്റ​സ, അ​ൽ ബി​ർ പ്രീ ​സ്കൂ​ൾ എ​ന്നി​വി​ട​ങ്ങ​ളി​ൽ വി​ദ്യാ​ർ​ഥി​ക​ൾ ദ​ഫ്, ഫ്ല​വ​ർ ഷോ, ​പ്ര​സം​ഗം, ഗാ​ന​ങ്ങ​ൾ തു​ട​ങ്ങി​യ ക​ലാ​പ​രി​പാ​ടി​ക​ൾ ന​ട​ത്തും. രാ​ത്രി ഒ​മ്പ​തി​ന് പൊ​തു​സ​മ്മേ​ള​ന​വും ന​ട​ത്തും.

ന​ബി​ദി​ന അ​വ​ധി വ്യാ​ഴാ​ഴ്ച​യാ​യ​തി​നാ​ൽ നി​ര​വ​ധി പേ​ർ നാ​ട്ടി​ലും അ​യ​ൽ രാ​ജ്യ​ങ്ങ​ളി​ലും അ​വ​ധി ആ​ഘോ​ഷി​ക്കാ​ൻ പോ​വു​ന്നു​ണ്ട്. ന​ബി​ദി​ന അ​വ​ധി​ക്കൊ​പ്പം ഏ​താ​നും ദി​വ​സം അ​ധി​ക അ​വ​ധി​യെ​ടു​ത്ത് നാ​ട്ടി​ൽ പോ​വു​ന്ന​വ​രും നി​ര​വ​ധി​യാ​ണ്.