ദുബായ് 2040 അർബൻ പ്ലാൻ : 2040 ഓടെ ദുബായിലെ പൊതു ബീച്ചുകളുടെ നീളം 400% വർദ്ധിപ്പിക്കുമെന്ന് ഷെയ്ഖ് മുഹമ്മദ്

2040 ഓടെ ദുബായിലെ പൊതു ബീച്ചുകളുടെ നീളം 400 ശതമാനം വർദ്ധിപ്പിക്കുമെന്ന് യു എ ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഇന്ന് വ്യാഴാഴ്ച പ്രഖ്യാപിച്ചു.

നിലവിലെ 21 കിലോമീറ്ററിൽ നിന്ന് 2040 ഓടെ 105 കിലോമീറ്റർ പൊതു ബീച്ചുകൾ പര്യവേക്ഷണം ചെയ്യാൻ താമസക്കാർക്കും വിനോദസഞ്ചാരികൾക്കും കഴിയുമെന്ന് ദുബായ് ഭരണാധികാരി പറഞ്ഞു.

കടകളും റെസ്റ്റോറന്റുകളും, വാട്ടർ സ്പോർട്സ്, ഫാമിലി സ്പേസുകൾ, ഒരു മറൈൻ സാങ്ച്വറി എന്നിവ ഉൾപ്പെടെ ഈ വേദികളിൽ നൽകുന്ന സേവനങ്ങളും 300 ശതമാനം വർധിപ്പിക്കും. ഷെയ്ഖ് മുഹമ്മദ് ജബൽ അലി ബീച്ചിൽ എത്തി ദുബായ് അർബൻ പ്ലാൻ 2040 യുമായി ബന്ധപ്പെട്ട ഉന്നത ഉദ്യോഗസ്ഥരുമായി കൂടിക്കാഴ്ച നടത്തിയതിന് ശേഷമാണ് ഈ പ്രഖ്യാപനം ഉണ്ടായത്.