ഇന്ത്യൻ യാത്രക്കാരനിൽനിന്ന് 26,000 ദീനാറിന്റെ മരുന്നുകൾ പിടിച്ചെടുത്തു
മനാമ: ന്യൂഡൽഹിയിൽനിന്ന് ബഹ്റൈനിലേക്ക് പോവുകയായിരുന്ന യാത്രക്കാരനിൽനിന്ന് 26,000 ദീനാറിന്റെ മരുന്നുകൾ പിടിച്ചെടുത്തു. വൻതോതിൽ മരുന്നുകൾ കൊണ്ടുവരുന്നതിനാവശ്യമായ രേഖകൾ യാത്രക്കാരന്റെ കൈവശം ഉണ്ടായിരുന്നില്ലെന്ന് സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സ് അറിയിച്ചു. ന്യൂഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ ചെക്ക്-ഇൻ ഏരിയയിൽ വെച്ചാണ് രണ്ടു ബാഗുകൾ നിറയെ മരുന്ന് കണ്ടെത്തിയത്. യാത്രക്കാരനെ തുടർനടപടികൾക്കായി ഇന്ത്യൻ കസ്റ്റംസിന് കൈമാറി.
ടോപ് ഗൾഫ്ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.