• Home
  • News
  • വീട്ടുജോലിക്കാരുടെ സ്​പോൺസർഷിപ്പ്​ മാറാൻ ഇ-സംവിധാനം: ഈ കാര്യങ്ങൾ ശ്രദ്ധിക്കണം

വീട്ടുജോലിക്കാരുടെ സ്​പോൺസർഷിപ്പ്​ മാറാൻ ഇ-സംവിധാനം: ഈ കാര്യങ്ങൾ ശ്രദ്ധിക്കണം

ജിദ്ദ: സൗദിയിൽ ഹൗസ് ഡ്രൈവർമാരുൾപ്പെടെ വീട്ടുജോലിക്കാരുടെ സ്​പോൺസർഷിപ്പ്​ ഇനി ഓൺലൈനായി കൈമാറ്റം ചെയ്യാം. ഇങ്ങനെ കൈമാറു​മ്പോൾ പാലിക്കേണ്ട വ്യവസ്ഥകൾ പാസ്പോർട്ട്​ വകുപ്പ്​ പുറത്തുവിട്ടു.

'അബ്ഷിർ' പ്ലാറ്റ്‌ഫോമിൽ രജിസ്റ്റർ ചെയ്ത​ പൗരന്മാർക്കാണ് തങ്ങളുടെ ഗാർഹിക ജോലിക്കാരുടെ സേവനം കൈമാറാൻ കഴിയുക. ജനറൽ ഡയറക്ടറേറ്റ് ഓഫ് പാസ്‌പോർട്ട്​ നിശ്ചയിച്ച വ്യവസ്ഥകൾ പാലിച്ചാൽ 'അബ്ഷിർ' പ്ലാറ്റ്‌ഫോമിൽ രജിസ്റ്റർ ചെയ്തവർക്ക് തങ്ങളുടെ കീഴിലെ ഗാർഹിക ജോലിക്കാരുടെ സേവനം ഓൺലൈനായി കൈമാറാം.

ഗാർഹിക ജോലിക്കാരുടെ സേവന കൈമാറ്റത്തിന്​ വ്യവസ്ഥയായി പാസ്​പോർട്ട്​ ഡയറക്​ടറേറ്റ്​ നിശ്ചയിച്ച വ്യവസ്ഥകൾ:

  • നിലവിലെ തൊഴിലുടമ 'അബ്ഷിർ' പ്ലാറ്റ്‌ഫോം വഴി തങ്ങളുടെ കീഴിലുള്ള ഗാർഹിക ജോലിക്കാര​ന്റെ സേവനങ്ങൾ കൈമാറണം.

  • ഏഴ്​ ദിവസത്തിനുള്ളിൽ സേവനങ്ങൾ കൈമാറുന്നതിനുള്ള അഭ്യർത്ഥന ജോലിക്കാരനും പുതിയ തൊഴിലുടമയും അംഗീകരിക്കണം.

  • പുതിയ തൊഴിലുടമയുടെയും ഗാർഹിക ജോലിക്കാരന്റെയും രേഖ ട്രാഫിക് നിയമലംഘനങ്ങളിൽ നിന്ന് മുക്തമായിരിക്കണം.

  • ഗാർഹിക തൊഴിലാളി സിസ്റ്റത്തിൽ 'ജോലിയിൽ നിന്ന് വിട്ടുനിൽക്കുന്നു' (ഹൂറുബ്​) എന്ന് രജിസ്റ്റർ ചെയ്തവർക്ക് ഇത് പ്രയോജനപ്പെടുത്താൻ കഴിയില്ല.

  • ഗാർഹിക ജോലിക്കാരുടെ പരമാവധി സേവന കൈമാറ്റം നാല്​ തവണ മാത്രമായിരിക്കും.

  • സേവനങ്ങൾ കൈമാറുന്ന സമയത്ത്​ ഗാർഹിക ജോലിക്കാരന്റെ താമസരേഖക്ക് (ഇഖാമ) 15 ദിവസമോ അതിൽ കൂടുതലോ കാലാവധിയുണ്ടായിരിക്കണം.

  • സേവന ഫീസുകൾ മുഴുവൻ അടച്ചിരിക്കണം.

ടോപ് ഗൾഫ്‌ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്‌തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.

Related News

Recent Updates

OMAN LATEST NEWS

View All

KUWAIT LATEST NEWS

View All

SAUDI ARABIA LATEST NEWS

View All

BAHRAIN LATEST NEWS

View All