• Home
  • News
  • പ്രൗഢം..രാജകീയം..‘സിംഹ’ ദർശനം; സൗദി-അർജന്റീന മത്സരം കാണാൻ എത്തിയത് 88,012 പേർ

പ്രൗഢം..രാജകീയം..‘സിംഹ’ ദർശനം; സൗദി-അർജന്റീന മത്സരം കാണാൻ എത്തിയത് 88,012 പേർ

ദോഹ∙ ലുസെയ്ൽ സ്റ്റേഡിയത്തിൽ സൗദി-അർജന്റീന മത്സരം കാണാൻ എത്തിയത് 88,012 പേർ. ലോകകപ്പിലെ 8 സ്റ്റേഡിയങ്ങളിൽ ഏറ്റവും വലിയ വേദിയാണ് ഫൈനൽ നടക്കുന്ന ലുസെയ്ൽ . 80,000 ആണ് ഫിഫ ആവശ്യപ്പെട്ട  ഇരിപ്പിട ശേഷിയെങ്കിലും 92,000ത്തിലധികം പേരെ ഉൾക്കൊള്ളാൻ ശേഷിയുണ്ട്.

ഇന്നലെ ഉച്ചയ്ക്ക് 1ന് നടന്ന മത്സരം കാണാൻ രാവിലെ 9 മണിയോടെ സ്‌റ്റേഡിയത്തിന്റെ ഗേറ്റുകൾ തുറന്നപ്പോൾ തന്നെ അർജന്റീനയുടെയും സൗദിയുടേയും ആരാധകരുടെ പ്രവാഹമായിരുന്നു. കനത്ത ചൂടിലും ജഴ്‌സിയണിഞ്ഞ് ചെണ്ടമേളവും ബാൻഡും  താളമേളവുമായാണ് ആരാധകരെത്തിയത്.

അർജന്റീനയുടെ അപ്രതീക്ഷിത തോൽവിയിൽ നിരാശരായെങ്കിലും ഫുട്‌ബോൾ ഇതിഹാസം ലയണൽ മെസ്സിയെ കളിക്കളത്തിൽ കൺമുൻപിൽ കണ്ടതിന്റെ ആഹ്ലാദത്തിൽ തന്നെയായിരുന്നു ആരാധകരുടെ മടക്കവും. ആരാധകരുടെ ആർപ്പുവിളികളും കരഘോഷവും ഏറ്റുവാങ്ങിയാണ് മെസ്സി കളിക്കളത്തിലേക്ക് പ്രവേശിച്ചത്. ഇഷ്ടതാരം മുന്നിലെത്തിയതോടെ  ഗാലറിയിൽ മെസ്സി എന്നുറക്കെ വിളിച്ച് ആരാധകർ ആവേശം കൊണ്ടു.

ആദ്യ പകുതിയിൽ മെസ്സി ഗോൾ നേടിയതോടെ ആരാധകരുടെ ഉത്സാഹവും കൂടി. രണ്ടാം പകുതിയിൽ പക്ഷേ സൗദിയുടെ കടന്നാക്രമണങ്ങളെ മറികടക്കാൻ കഴിയാതെ വന്നതോടെയാണ് ആരാധകരുടെ കണ്ണ് നനയിച്ച് അർജന്റീന പരാജയം രുചിച്ചത്. സൈബർ ഇടങ്ങളിൽ ട്രോൾ മഴ ഏറ്റുവാങ്ങിയാണ് അർജന്റീന ആരാധകരുടെ ദിനം കടന്നു പോയത്.

ആദ്യ പകുതിയിൽ മെസ്സി ഗോൾ നേടിയതോടെ ആരാധകരുടെ ഉത്സാഹവും കൂടി. രണ്ടാം പകുതിയിൽ പക്ഷേ സൗദിയുടെ കടന്നാക്രമണങ്ങളെ മറികടക്കാൻ കഴിയാതെ വന്നതോടെയാണ് ആരാധകരുടെ കണ്ണ് നനയിച്ച് അർജന്റീന പരാജയം രുചിച്ചത്. സൈബർ ഇടങ്ങളിൽ ട്രോൾ മഴ ഏറ്റുവാങ്ങിയാണ് അർജന്റീന ആരാധകരുടെ ദിനം കടന്നു പോയത്.

ബ്രസീലിലെ റിയോ ഡി ജനിറോയിലെ വിഖ്യാത സ്റ്റേഡിയമായ മാറക്കാന, ലോകത്തിലെ മൂന്നാമത്തെ വലിയ ഫുട്‌ബോൾ സ്റ്റേഡിയമായ നൂ കാമ്പ്, യൂറോപ്പിലെ ഏറ്റവും വലിയ സ്റ്റേഡിയങ്ങളിലൊന്നായ റഷ്യയുടെ ദേശീയ സ്റ്റേഡിയം ലഹ്‌നികി  എന്നിവയുടെ ശ്രേണിയിൽ ഉൾപ്പെടുന്നതാണ് ലോകകപ്പ് ഫൈനൽ വേദിയായ ലുസെയ്ൽ സ്റ്റേഡിയവും.

ടോപ് ഗൾഫ്‌ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്‌തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.

Related News

Recent Updates

OMAN LATEST NEWS

View All

UAE LATEST NEWS

View All

KUWAIT LATEST NEWS

View All

QATAR LATEST NEWS

View All

SAUDI ARABIA LATEST NEWS

View All

BAHRAIN LATEST NEWS

View All