• Home
  • News
  • കുവൈത്തിൽ ഇനി മേളയാവാം

കുവൈത്തിൽ ഇനി മേളയാവാം

കുവൈത്ത് സിറ്റി∙  കുവൈത്തിൽ പൊതുസ്ഥലങ്ങളിൽ എക്സിബിഷൻ ഉൾപ്പെടെ വാണിജ്യ പ്രവർത്തനങ്ങൾ ഞായറാഴ്ച മുതൽ പുനരാരംഭിക്കും. കോവിഡ് പ്രതിരോധത്തിനായുള്ള ഉന്നത സമിതിയുടെ ശുപാർശ പരിഗണിച്ചാണു തീരുമാനം. പ്രദർശനങ്ങൾക്കു പെർമിറ്റ് നിർബന്ധമാണ്.
 ആരോഗ്യ സുരക്ഷ നിബന്ധനകൾ കർശനമായി പാലിക്കണം. നിർദിഷ്ട റയിൽ പദ്ധതി സംബന്ധിച്ച് റോഡ്- ഗതാഗത അതോറിറ്റിയുടെ നിർദേശങ്ങളും മന്ത്രിസഭ ചർച്ച ചെയ്തു. അതേസമയം കോവിഡ് നിയന്ത്രണങ്ങളിൽ ഇളവ് പ്രാബല്യത്തിൽ വന്നതോടെ തൊഴിൽ മേഖലയിൽ ആൾക്ഷാമം വർധിച്ചു. പല സ്ഥാപനങ്ങളിലും ആവശ്യത്തിന് ജോലിക്കാർ ഇല്ലാത്ത അവസ്ഥയുണ്ട്.
 ഈ വർഷം ആദ്യപാദം മാത്രം 67,800 വിദേശികൾ കുവൈത്ത് വിട്ടതായും കണക്കാക്കുന്നു.ഇതിനു പകരം ആളുകൾ ഇനിയും എത്തിയിട്ടില്ലാത്തതുകൊണ്ടാണ് തൊഴിലാളി ക്ഷാമം രൂക്ഷമായി തുടരുന്നത്. റസ്റ്റ‌റൻ‌റുകൾ, ചില്ലറ വിൽ‌പന കടകൾ തുടങ്ങിയ മേഖലയിലെല്ലാം ആൾക്ഷാമമുണ്ട്. നിലവിൽ കുവൈത്തിലുള്ള ഇഖാമ മാറ്റാൻ സൗകര്യമുള്ളവരെയാണ് ആൾക്ഷാമം നികത്താൻ പല സ്ഥാപനങ്ങളും പ്രയോജനപ്പെടുത്തുന്നത്.
 വാണിജ്യമേഖലയിൽ വീസ നൽകുന്നതിന് കഴിഞ്ഞയാഴ്ച സർക്കാർ തീരുമാനിച്ചു. ഇത് പ്രാബല്യത്തിലായാൽ കൂടുതൽ പേരെ കൊണ്ടുവരാനാകുമെന്ന പ്രതീക്ഷയുണ്ട്.  സ്വകാര്യമേഖലയിൽ പ്രവർത്തിക്കുന്ന ആരോഗ്യ സ്ഥാപനങ്ങളിലും ആൾക്ഷാമമുണ്ട്.

ടോപ് ഗൾഫ്‌ന്യൂസ് വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്‌തു സന്ദേശം അയക്കുക , ഫേസ്ബുക്കിൽ ലഭിക്കുവാൻ ഇ ലിങ്ക് ക്ലിക്ക് ചെയ്യുക.

Related News

Recent Updates

UAE LATEST NEWS

View All

KUWAIT LATEST NEWS

View All

QATAR LATEST NEWS

View All

SAUDI ARABIA LATEST NEWS

View All

BAHRAIN LATEST NEWS

View All